War-Saxaafadeed
Soomaaliya laguma xaqiijin kiis Ebola ah Kenya waxay xaqiijisay kiiskii ugu horreeyay ee cudurka Ebola (fayraska Bundibugyo), kaas oo dibadda laga keenay magaalada Nairobi. Taas kaddib, Wasaaradda Caafimaadka iyo Daryeelka Bulshada ee Dowladda Federaalka Soomaaliya waxay xoojinaysaa diyaargarowga dalka.
Xilligan Soomaaliya lagama helin wax kiis Ebola ah.
Si aad isu ilaaliso:
- Si joogto ah u dhaq gacmahaaga
- Ha taaban dhiigga iyo dheecaannada jirka ee qof jiran
- Haddii aad xanuun daran dareento, gaar ahaan kaddib safar aad ku tagtay meel uu Ebola saameeyay, si degdeg ah u raadso daryeel caafimaad
Calaamadaha: qandho lama filaan ah, daal daran, xanuun murqaha ah, madax-xanuun, cune-xanuun, matag, shuban iyo dhiigbax aan sabab cad lahayn. Calaamaduhu waxay soo bixi karaan 2 ilaa 21 maalmood kaddib marka qofka uu fayrasku ku dhaco.
Wixii shaki ah, wac 995.
